悅木 (Closed)

因為同事未試過既關係，我地再黎悅木食Lunch。好彩有人抵得諗，肯過黎搵位先，如果唔係應該有排等。唔該晒我地可愛既同事仔。入到黎，餐廳感覺依然舒適，枱唔會太迫，裝修又幾靚。望望menu，佢有3個section揀，有一個頭盤，一個主菜，再加一杯野飲。頭盤我揀左雞翼，主菜要雞絲湯河同埋飲鹹檸檬雪碧。先黎左雞翼，味道唔錯，好惹味，香矛雞翼冇失望，雞翼整得好好，入面好Juicy，一啲都唔乾。之後黎既雞絲湯河，對比起上黎好清淡，但味道都唔錯，唯一唔好既係佢啲雞絲有點"鞋"。質數唔夠好，質量再多都係徒勞無功，可惜可惜。最後杯鹹檸檬雪碧，個鹹檸唔係好夠味，但大熱天時，勝在夠凍。飲完即刻爽晒。話時話，佢呢度啲野食真係唔平，但加返佢既質素同質量，絕對值得黎食。