魯一居利寶閣宴會廳 (Closed)

服務算唔錯，見到我地有BB車，安排左可以放BB車起旁邊既枱，都好寬敞，唔似好多食市都迫到死。個麻辣鴨舌幾得意，佢去左骨，辣又唔係好辣，嗜辣可能會嫌佢唔夠味，但我唔係太食得辣，所以都OK。雲吞沙鍋雞，唔錯，湯好入味。龍井蝦仁，不過不失。小籠包，夾起唔會痴皮，皮薄但唔易穿，湯汁好味。水蜜桃果汁，好味。整體唔錯，食、坐都舒服，可能有BB起度，侍應幾好笑容，貴左少少啦，不過有機會再黎食。