Video
Read full review
2008-07-07
18 views
五月廿四日, 係老公既新曆生日, 一早已預咗同老公食餐好既慶祝吓,所以預先一個月先已 book 咗位嚟呢間幾平既 buffet 試吓,由於星期六晚關係, 所以可以叫多幾個朋友一齊嚟食。我哋都算早嚟到, 六點九, 未算多人, 咩都比較容易拎到,對我嚟講, 第一 part 留意既地方同食物當然係刺身啦!!即叫師傅即切, 幾衛生乾淨, 唔會話放喺度畀人摷亂晒啲刺生,另外仲有啲冷盤壽司, 普普通通, 合格啦!中間果碟係煙三文魚卷, 包住既係熟三文魚沙律, 幾好味。跟住有呢個麵檔, 不過為咗留肚, 我冇食過呀!仲有燒黑椒牛仔髀, 好香好好味呀, 不過邊邊既黑椒勁多, 辣到入唔到口... 仲有啲日式串燒同炸物, 最鍾意都係左上角啲炸薯角, 正!!另外仲有啲甜品, 款式唔算好多, 味道亦一般, 最正都係個朱古力噴泉。 我既頭盤當然係刺生啦, 都算幾新鮮, 話都冇咁快就食晒!跟住試咗少少冷盤, OK 啦!然後食冷盤海鮮, 都唔算, 仲有半碟熱盤, 啲帶子經常出啱啱焗好既新鮮貨, 正到暈!!呢個冬陰公南瓜湯, 本來我冇興趣食, 因為本人唔鍾意食南瓜,但見個個食完都話得, 而我又勁鍾意飲冬陰公湯, 所以都
所以預先一個月先已 book 咗位嚟呢間幾平既 buffet 試吓,
由於星期六晚關係, 所以可以叫多幾個朋友一齊嚟食。
我哋都算早嚟到, 六點九, 未算多人, 咩都比較容易拎到,
對我嚟講, 第一 part 留意既地方同食物當然係刺身啦!!
即叫師傅即切, 幾衛生乾淨, 唔會話放喺度畀人摷亂晒啲刺生,
另外仲有啲冷盤壽司, 普普通通, 合格啦!
中間果碟係煙三文魚卷, 包住既係熟三文魚沙律, 幾好味。
跟住有呢個麵檔, 不過為咗留肚, 我冇食過呀!
仲有燒黑椒牛仔髀, 好香好好味呀, 不過邊邊既黑椒勁多, 辣到入唔到口...
仲有啲日式串燒同炸物, 最鍾意都係左上角啲炸薯角, 正!!
另外仲有啲甜品, 款式唔算好多, 味道亦一般, 最正都係個朱古力噴泉。
我既頭盤當然係刺生啦, 都算幾新鮮, 話都冇咁快就食晒!
跟住試咗少少冷盤, OK 啦!
然後食冷盤海鮮, 都唔算, 仲有半碟熱盤, 啲帶子經常出啱啱焗好既新鮮貨, 正到暈!!
呢個冬陰公南瓜湯, 本來我冇興趣食, 因為本人唔鍾意食南瓜,
但見個個食完都話得, 而我又勁鍾意飲冬陰公湯, 所以都舀咗兩啖仔試吓,
辣辣哋, 都幾得意既, 如果鍾意食南瓜又鍾意酸辣嘢既人應該會鍾意飲!
再嚟熱盤加沙律, 不過每樣只敢攞少少, 因為已經飽飽哋...
中間果舊唔係薯仔, 而係蕃薯呀! 佢咁樣煮到入晒味又幾得意幾好味喎!!
已經開始食唔落, 但點都要飲半碗中湯, 因為佢哋個個又係話個湯得!
終於頂唔住, 要食雪糕啦! (通常食得雪糕我都唔會再食冷、熱盤食物)
仲有少少生果同甜品未食, 樣樣都 OK, 不過如果有個 NY cheese cake 會仲正!
再嚟想試吓個芒果味雪糕, 最後仲食多個芝麻味雪糕添呀!!
嘩!! 好飽呀~~~~~~~~~~~~~~~~~~~~
總括嚟講呢度以咁既價錢嚟講絕對抵食,
雖然冇生蠔, 但唔駛二百蚊仲有勁多刺生食, 已經算係超值啦!! 有機會都會再嚟過!
更詳細資料及圖片請看 : http://hk.myblog.yahoo.com/joycewai616/article?mid=7821
Post
