Video
Read full review
2008-07-13
5 views
多謝惡男兄搞局！山長水遠又如何……一次咁多可能真是太隔涉關系、八時仍未有得食（人未齊！）、當時其實幾肚餓下估不到第一味上的是鹽焗雞（菜單上咁寫）、不過食落覺得似沙姜雞多的…一枱十幾人“分”一隻雞、小弟自問未能試真的味道、淨是覺得的肉幾滑下，雞皮幾夠味、如果的肉可以再入味的會更好、不過依家都收貨有餘、另外“吮”咗隻雞腳、味道比出面的沙姜雞腳來得惹味、算是無心之得之後再上酥炸三併、個人最愛是炸大腸、可惜混亂中點唔到個甜酸汁、但無損其美味、最後亦包底了全部炸大腸此時上菜速度竟又突然加快、梅菜扣肉、炆門蟮、原煲涼瓜西施骨、砵仔飯等、陸陸續續進來、真有點食都食唔切之感。都是每樣試幾啖喇、梅菜扣肉ok、可能自己不太好此味（講都無人信）、但求食得落就算、亦懶理是否全港最好食之類；炆門蟮亦試了兩啖、不是我杯茶…我怕多骨、不予置評。印象最深反而是果煲西施骨、原煲上有湯有菜有肉、真材實料幾抵食、原本個人唔太喜歡飲苦瓜湯、如果就咁飲我一定唔制、但當晚食完炸大腸、腰肝卷、梅菜扣肉之後、再飲一啖苦瓜湯、果種感覺真是無以上之、食物講配搭又是一個好例子、煲內的西施骨入口即化、但人覺得正過的梅菜扣肉多多聲…從來煲完湯
山長水遠又如何……一次咁多
可能真是太隔涉關系、八時仍未有得食（人未齊！）、當時其實幾肚餓下
估不到第一味上的是鹽焗雞（菜單上咁寫）、不過食落覺得似沙姜雞多的…一枱十幾人“分”一隻雞、小弟自問未能試真的味道、淨是覺得的肉幾滑下，雞皮幾夠味、如果的肉可以再入味的會更好、不過依家都收貨有餘、另外“吮”咗隻雞腳、味道比出面的沙姜雞腳來得惹味、算是無心之得
之後再上酥炸三併、個人最愛是炸大腸、可惜混亂中點唔到個甜酸汁、但無損其美味、最後亦包底了全部炸大腸
此時上菜速度竟又突然加快、梅菜扣肉、炆門蟮、原煲涼瓜西施骨、砵仔飯等、陸陸續續進來、真有點食都食唔切之感。
都是每樣試幾啖喇、梅菜扣肉ok、可能自己不太好此味（講都無人信）、但求食得落就算、亦懶理是否全港最好食之類；炆門蟮亦試了兩啖、不是我杯茶…我怕多骨、不予置評。
印象最深反而是果煲西施骨、原煲上有湯有菜有肉、真材實料幾抵食、原本個人唔太喜歡飲苦瓜湯、如果就咁飲我一定唔制、但當晚食完炸大腸、腰肝卷、梅菜扣肉之後、再飲一啖苦瓜湯、果種感覺真是無以上之、食物講配搭又是一個好例子、煲內的西施骨入口即化、但人覺得正過的梅菜扣肉多多聲…從來煲完湯的豬肉都是極品
如果大家點炸大腸同梅菜扣肉類的菜式、我推介大家配呢個湯、真是好夾！之但係淨呢煲野都好飽肚、要留意！
清蒸蘿蔔丸、呢一味果然是外面食唔到的味道
釀豆腐煲（！？）、對完之前煲西施骨、呢煲真是咪搞、求其食件釀豆腐、普普通通咁喇。
老酒煮豬什、又是煲！不過呢煲算是高級版呱？因為我食到有豬頸肉、重幾好食添（講舊豬頸肉）、但整體來講、豬什還是喜歡以及第粥的方式呈現出來。
冬瓜封、老實講、呢個其實唔是我心目中的冬瓜封、不過食完咁多肥膩野、食番件鮮甜多汁的冬瓜、的確係幾唔錯、無投訴喇！
因為之後有事早走、有關糖水之後的部份、請睇其它食評。
Post
