漢城美食 (Closed)

早兩日同媽媽補祝母親節，之前一直都想黎試下，剛巧近排又想食韓國野就黎食哩間。整修後真係靚好多，地方又同乾淨~6點就黎到o個時得一枱客，老闆娘就俾左MENU同紙仔我地，要左個炆牛肋骨，牛肉石頭鍋飯，炸醬面同綠豆餅。個牛肋骨好快就到，同阿媽一食入口，大家立即讀好，個牛肋骨好入味，中間o的脂肪冇去晒兜汁度，入口仲有口感，唔會散晒，very good到個石頭飯都好好，個waitress幫我地撈埋，個鍋夠熱整到成層焦，又脆唔會un，仲好香，唔知點解我o係屋企整親都好un-_-個sauce都好夾，少少辣唔會過火，菜多肉少啱我媽~係韓國肉係比較貴所以佢地都好少食好多肉，所以咁都係好正常~綠豆餅個面有o的脆，o的豆蓉有埋少少蛋味，入面又有o的韮黃絲o既物體增加口感，正~最後個炸醬面黎時我同阿媽已經飽到上心口orz試左兩啖就打包回家，o的面你滑但唔un，不過我第二日拎出黎做午餐翻熱後都冇lum晒，入口依然不俗，個汁同洋蔥咸咸甜甜的~如果唔食洋蔥就不要叫了，因為o的洋蔥係精粹呢XD成餐我同我媽媽都好滿意，我媽仲見到廚房o的人洗碗好有心機，唔係出面好多沖沖水就算，再讚~最後走o個陣個老闆娘好好笑容，say晒