一品螞蟻 (Closed)

係荃灣開完會就落左葵芳食lunch，喺新都會廣場嘅一品螞蟻都幾多人，不過臨近兩點到就等10分鐘入得。午餐選擇都幾多，起碼沙津、意粉、飯都有，又唔一定係西式。我就叫左個香煎鳳尾蝦伴雞粒南瓜忌廉燴飯，一上嚟就見到一大片南瓜，煮到好淋，正～香煎鳳尾蝦就煎到好香口，幾鮮味，不過得兩隻就太少喇。燴飯撈埋雞粒都好好味，不過就咸左少少。美中不足係冇餐湯送，好似爭啲咁。