渡船角海鹽燒 (Closed)

一向都鍾意食啲香口重口味嘅嘢，今日同朋友敘舊朋友就帶咗我黎呢間食燒烤。朋友已經嚟過呢間餐廳好多次，所以就由朋友拍板燒大眼雞唔錯(我估係大眼雞因為唔知佢叫咗乜嘢),入面都仲係好滑，魚皮嘅香味入晒去肉裏面。燒蝦食得出嘅新鮮，肉質爽彈，因為係燒嘅關係蝦味好濃郁，蝦頭都燒到脆卜卜。燒茄子就一般，燒得太熟，香料味唔夠。朋友話呢度嘅燒蠔係最出色！果然如此！燒海鮮最重要嘅係材料新鮮，生蠔完全無腥味，燒完之後邊位夠𡁻頭，肉creamy,好食到不得了。下次再嚟試吓佢其他燒物先。