金牌小龍 (Closed)

今日去開尖沙咀，就入左去ISQUARE搵嘢食，上到3F，見咁耐冇食過上海嘢就揀左呢間鋪頭食飯。入面環境唔錯，靜靜地，店鋪播放嘅係純音樂，唔會影響顧客交談。食物方面，同朋友兩個人叫咗紅燒牛肉湯、酥炸小黃魚、蔥油撈麵、 金牌小籠包、韭菜鍋貼、鮮蝦雲吞湯同埋赤豆蒸糕。紅燒牛肉湯湯底好濃牛味，有少少辣。小黃魚個皮好脆，食落唔會太鹹。小籠包皮薄，湯熱，肉新鮮。韭菜鍋貼脆口，煎得唔錯，肉同小籠包一樣新鮮。赤豆蒸糕紅豆餡唔油，甜度適中。總括嚟講，係一間環境同食物都唔錯嘅鋪。