秀拉麵 (Closed)

之前見完客,經過威靈頓果邊，見到呢間秀拉麵，醒起之前有雜誌報道過，再者又好鬼餓，所以就入去試下。記得果陣報導話佢係傳承左九州傳統既拉麵文化，但睇下個環境又唔係我想像中咁古色古香，反而仲幾有特色，成間店好多野都主打黑色，包括d餐牌呀，制服呀等等。另外牆上個刻著”秀”字既木牌都好impressive，幾有氣勢，哈哈!講多無謂，叫個元祖拉麵試下先，其實我自己本身係冇咩期望，反正只係想醫肚同埋試新野，不過今次個元祖拉麵真係有d驚喜，麵條幾幼滑，唔會痴埋一舊，個豬骨湯底唔算好油，岩哂我呢d要戒油戒脂既肥仔xdd，雖然唔會好油，但仍然好有油香，,仲幾濃，可能因為豬骨果d膠質卦(唔識扮識xd)!價錢方面我覺得有DD貴，不過位處中環嘛，冇辦法啦~最重要係食物對得起呢個價者~下次有時間既話都會再試一下既~