Explorer Fusion Restaurant (Closed)

最近一年唔少友好離開香港，farewell 飯一餐接一餐，其中一次，幫襯咗石門嘅 Explorer Fusion Restaurant。呢間晚市好多人，所以有用餐時限，當晚食得都幾匆忙，剩係影咗其中三樣嘢。煙三文魚牛油果沙律有哂我最鍾意嘅元素：煙三文魚，魚籽，牛油果，Parmesan Cheese，加上好 fresh 嘅蕃茄仔同沙律菜，好食。炸芝士圈就係極度邪惡嘅食物，但係正所謂越邪惡越好食，加上凍咗口感味道差好遠，所以食開就好難停得口😂。北海道鮮帶子配荷蘭大啡菌海膽龍蝦汁意粉個名好長，帶子好大粒，海膽龍蝦汁較少食到，其實都幾鮮味，不過真係鹹咗啲，食完要不斷扯水。