棋吧

Open Now

Now Closed

記得里間無限時，有好多board game玩又有酒飲，坐成晚都係大概$100，所以book返里間玩成晚。叫左個新款意粉，韓式辣卡邦尼， 辣得黎幾野味，都唔錯，值得一試。跟餐包杯嘢飲，加$6 就有杯 house red，支酒比較young，唔會太澀，好易入口。咁啱有朋友生日，原來友人有買蛋糕上去，一出蛋糕後就有staff出黎放子彈酒杯，喺面前倒Rainbow，一人一杯，我得人多， 好神奇，個Rainbow 可以繼續變色，雖然好靚但味道上唔係杯杯好飲（我覺得中間幾似橙汁，一頭一尾酒精比較濃，紅色有d藥水味）。坐左5個鐘，有d渴，叫多杯嘢飲，試左個梳打茶，揀左桂花味，有清香花味得黎唔會太甜又解渴原來第二杯半價添！估唔到board game櫃入面搵到有麻雀打(有埋花)整體黎講，好抵坐，又有酒飲，rainbow好正！唯一係嘢食款式唔多，同埋廚房比較細，出餐會慢d (建議坐低就落order。