鄧媽媽過橋水餃 (Closed)

今日突然夜晚有D野做要去葵芳，晚飯都係度搞掂。同媽咪兩個人，諗左好耐食咩，但其實又唔係好肚餓。咁啱見到鄧媽媽水餃，我同媽咪對呢個名好熟悉，因為佢不停係新城電台賣廣告//// 所以我地成日都聽到呢間野....... 咁難得見到就入去食下啦。環境當然唔寬敞，幾迫下，係自助形式出去買票。價錢唔算貴，我地叫左 5 隻椰菜餃同埋一碗蠔仔肉碎飯。碗飯黎到叫佢俾兩隻碗我，兩隻碗係正常，但竟然係跟兩隻膠羹.... omg! 仲要係用即棄筷子.... 唉... 點解要咁做呀？？？算啦〝都要食架啦。蠔仔肉碎飯d蠔仔成日食到沙同殼，而且幾細隻，但味道係ok的，挺鮮咩。仲有其他料，如冬菇，花生，菜，肉碎等，不過冬菇超級鹹，其他正常。份量唔算細，食完都覺得剛剛好。不過佢有D飯會黏在一起，似乎做得不夠細緻。椰菜水餃 5 隻 $15，味道很淡，旁邊有黑醋提供。皮唔算好厚，肉餡算鮮甜，吃下去是很清的感覺。埋單 $ 45，偶一為之沒問題，但如果可以更環保一點就好了。