Video
Read full review
2019-04-11
402 views
原本想話去我最中意嘅意粉屋, 點知上到雅蘭, 吓! 意粉屋居然褶咗! 連意粉屋自己個網頁都表示雅蘭營業中喎! 攪咩Q呀!矛計啦! 轉場囉….放眼一望, 雅蘭二樓咁多餐廳, 只係得和民唔洗排隊, 咁…. 試下啦!點解用 ”試吓” 黎形容? 原因係….. 我好好好怕去和民, 極極極唔習慣D侍應半下跪咁聽客人落單.我知道哩個係和民特色, 甚至見到網上有人中意哩種帝皇式招待!自問自己只係一介草民, 受唔起帝皇式招待, 唯有選擇唔幫襯.今次去幫襯, 半跪式接單已經再無出現, 舒服自在得多!有進步! 俾個讚先啦!點咗個和風煙肉雜菌 pizza, 牛油魷魚錫紙燒, 清煙煮蜆同鰻魚飯.和風煙肉雜菌 pizza - 芝士味較重, 餅底薄身而且比較脆口, 份量雖然較少但價錢只係55蚊, 合格有餘啦!牛油魷魚錫紙燒 – 我好怕煮魷魚, 最係煮唔到好冧嘅口感, 成日煮得過火, 但和民煮哩個魷魚口感極冧, 只係牛油不足.清煙煮蜆 – 首先蜆無沙, 但好多微細殼碎, 食果時要特別小心, 蜆肉嫩滑清甜, 清酒本身無甚特別, 但加咗我極中意嘅蔥花, 即時味道提升.鰻魚飯 – 記憶中…. 數年前鰻魚價錢都唔係好貴, 近
矛計啦! 轉場囉….
放眼一望, 雅蘭二樓咁多餐廳, 只係得和民唔洗排隊, 咁…. 試下啦!
點解用 ”試吓” 黎形容? 原因係….. 我好好好怕去和民, 極極極唔習慣D侍應半下跪咁聽客人落單.
我知道哩個係和民特色, 甚至見到網上有人中意哩種帝皇式招待!
自問自己只係一介草民, 受唔起帝皇式招待, 唯有選擇唔幫襯.
今次去幫襯, 半跪式接單已經再無出現, 舒服自在得多!
有進步! 俾個讚先啦!
點咗個和風煙肉雜菌 pizza, 牛油魷魚錫紙燒, 清煙煮蜆同鰻魚飯.
和風煙肉雜菌 pizza - 芝士味較重, 餅底薄身而且比較脆口, 份量雖然較少但價錢只係55蚊, 合格有餘啦!
牛油魷魚錫紙燒 – 我好怕煮魷魚, 最係煮唔到好冧嘅口感, 成日煮得過火, 但和民煮哩個魷魚口感極冧, 只係牛油不足.
清煙煮蜆 – 首先蜆無沙, 但好多微細殼碎, 食果時要特別小心, 蜆肉嫩滑清甜, 清酒本身無甚特別, 但加咗我極中意嘅蔥花, 即時味道提升.
鰻魚飯 – 記憶中…. 數年前鰻魚價錢都唔係好貴, 近年突然貴得驚人, $148加一嘅鰻魚飯絕對唔超值, 成盒飯份量唔多, 鰻魚魚身夠厚, 鰻魚入口即溶, 優點! 缺點係米飯加入太多濃燒汁了.
最后講吓杯芒果汁，味道好奇怪，絕對唔係新鮮芒果.
離開時, 見到好多食客都係到吹水, 好有日劇 ”深夜食堂” feel.
Post
