Video
Read full review
2015-09-06
4610 views
一個星期六既下午，2個人黎到赤柱行返趟，行到有點累，又剛好到左晚飯時間，就上黎OPENRICE睇下有咩好野食，見到大部分食店都係要坐戶外，天氣熱都想搵D室可以坐到室內既地方，一來靜D，二來唔想被煙味包圍。係OPENRICE發現呢間位於赤柱大街126號既餐廳，有我地最喜愛既意粉同PIZZA食，又有得坐室內，我地就決定黎呢到食啦。原來赤柱大街126號並唔係係90幾號再行過去，而係係市集附近既一間法式三文治店同雪榚店中間既一條樓梯行上去先至搵到，相當隱蔽，但係入到去相當寧靜，播着鐵達尼/珍珠港等經典情歌，環境唔錯，坐得幾舒服。坐低之後我地叫左2個MAIN COURSE，食物未到之前侍應送上2片麵包俾我地享用啦。麵包相當鬆軟又唔會太油，配埋橄欖油同黑醋就係最佳選擇啦。好快我地既MAIN COURSE就已經到啦。鮮雜菌香草醬幼蛋麵好重香草味，一D都唔鹹，鮮雜菌份量都算多，幼蛋麵都好爽口，平時係出面好少可以食到呢個味道。西西里風情PIZZA有辣肉腸，沙樂米腸，意式香腸，茄子，紫蘇香草根，有2個SIZE揀，我地揀既係細SIZE。餅底有D似餅乾，有點兒過薄，芝士有點兒過多，少一D會更加好。MAIN C
係OPENRICE發現呢間位於赤柱大街126號既餐廳，有我地最喜愛既意粉同PIZZA食，又有得坐室內，我地就決定黎呢到食啦。
原來赤柱大街126號並唔係係90幾號再行過去，而係係市集附近既一間法式三文治店同雪榚店中間既一條樓梯行上去先至搵到，相當隱蔽，但係入到去相當寧靜，播着鐵達尼/珍珠港等經典情歌，環境唔錯，坐得幾舒服。
坐低之後我地叫左2個MAIN COURSE，食物未到之前侍應送上2片麵包俾我地享用啦。麵包相當鬆軟又唔會太油，配埋橄欖油同黑醋就係最佳選擇啦。
好快我地既MAIN COURSE就已經到啦。鮮雜菌香草醬幼蛋麵好重香草味，一D都唔鹹，鮮雜菌份量都算多，幼蛋麵都好爽口，平時係出面好少可以食到呢個味道。
西西里風情PIZZA有辣肉腸，沙樂米腸，意式香腸，茄子，紫蘇香草根，有2個SIZE揀，我地揀既係細SIZE。餅底有D似餅乾，有點兒過薄，芝士有點兒過多，少一D會更加好。
MAIN COURSE或者意粉加40蚊可以有甜品同埋飲品一杯，我地叫左一杯MOCHA同一份朱古力蛋糕，咖啡相當有水準，好香好好飲，朱古力蛋糕味道都幾啱我地既口味。
總括黎講呢到環境唔錯，食物又OK，係LOCATION比較難搵少少啫。
Post
