元朗冰室

Open Now

Now Closed

疫情我都知難做，成條街都冇幾間有開，見凍室有開，又想食炸肶，好啦，仲有賣炸肶，食返個啦。坐低都係例牌冇伙計，等多兩分鐘終於有伙計上餐，叫返聲唔該落單，伙計係無反應，不過轉頭都過黎寫單。唔知係呢度文化定點，寫單係放張寫單紙係餐枱再慢慢寫，叫個炸肶姐，又要搵餐牌再慢慢寫個午A。心諗不如我寫埋畀佢啦。一兩分鐘後，果個伙計埋黎話冇炸肶，唉，有冇咁黑仔。算，求其食個炸魚柳，唔好煩了。過多幾分鐘，罐可樂上枱，連一杯冰。可樂唔凍都接受既，39+3凍飲，仲想點。歎兩啖可樂，上左碟吉列魚柳，放低隻碟果刻，我以為上錯餐。有圖有真相，呢塊係魚柳?! 魷魚咁卷起哂，39蚊你畀咁細塊我? I can't believe it! 上Openrice睇返張相，雖然原本影落都唔大塊，但呢度兩啖都咬完了吧，收我39? 食個老麥都冇咁火起。當我回過神來，問返伙計，佢就話，係咁架佢。好一句係咁架佢，睇黎唔係我黑仔，黑果個唔係我。食落其實唔難食，係份量細到唔敢想像可以以下午茶自居。個擺碟更加係笑話。結言: 永遠不會再來。