巧得鍋 (Closed)

本身想食佢個招牌雞煲，但琴日食太油膩決定清清地打個邊爐～我地叫咗皮蛋芫茜鍋$78、白膳$108、牛肩胛$128同埋日本廣島蠔$68（都有6隻咁多㗎），好快就上菜～湯底好足料，莞茜同皮蛋呢個組合好清甜～牛肉雖然薄切都有牛味，廣島蠔淥完真係新鮮好食！最令人驚喜嘅係佢地送咗我地涼拌花膠，完全冇收錢，食落膠質滿滿～我地仲試咗佢地嘅熱情果沙冰$35，好解渴～PS佢地同出面一樣，醬油茗茶費要收錢，$18一個人。