祥興記上海生煎包 (譚臣道)

Open Now

Now Closed

如果嗰日無其他更好嘅選擇，或者趕時間要買外賣返公司食嘅時候，我間中都會買佢嘅招牌生煎飽，叫做俾個機會大家。好可惜生煎飽嘅質素已經係越來越差，完全無吸引力叫我等登去幫襯。店員嘅態度真係有問題，尤其係女店員（我本身都係女性，所以唔係性別歧視），語氣態度面口真係好似當你係仇人咁。如果賣嘢賣得咁勉強，我建議佢哋不如執笠。回想起以前佢哋食物質素好嘅時候，我都曾經等登由金鐘去灣仔幫襯。今日決定係我最後一次幫襯。今時今日咁嘅食物質素同態度，算啦，勉強無幸福。我都唔想同佢哋物以類聚，連自己都沾到佢哋嘅負能量，影響埋我嘅幸福呀。呢個負評我都諗咗一陣寫唔寫，不過最後決定面對現實，正視問題，唔再能夠發展落去嘅話，又唔覺得可以改善嘅話，不如正式結束呢段消費關係。