第一郡

Open Now

Now Closed

朋友一直話呢一間越南嘢勁抵勁抵又好平又好味，所以今日終於都拉咗我去食。首先呢就叫咗佢嘅名物係一個蟹膏檬粉。佢嘅蟹膏我哋另外再加咗錢叫多一嚿，佢係蟹膏跟蟹肉整成一餅咁樣，有咩好處呢？就係你食落嘅時候的蟹肉唔會散晒落個湯底嗰度然後就咩都食唔到，一個真係真材實料你可以淡淡咬落口。另外我哋加咗個越式法包，揀左烤豬肉嘅。佢嘅豬肉一啲都唔會乾柴，配埋佢隔離酸酸地嘅蔬菜，個法包又脆又軟，真係好正。我哋另外叫咗個椰皇，大大個。其實呢仲有一樣嘢好緊要嘅就係一入到嚟，你必須要即刻下單叫一個斑斕綠豆糕，佢係份量有限，我哋嚟到嘅時候候都係得返幾件，必試。佢嘅皮非常之煙靭，配埋入邊嘅綠豆餡，又唔會太過香甜，食一個完全冇問題。