Ben哥米線 (Closed)

嚟過Ben 哥好多次，有幾款特色湯底，藥膳麻辣湯底同蕃茄湯底都係我最愛。藥膳麻辣個味幾特別，唔多米線鋪有。而且可以揀全份米線，1/2米線，同1/3米線，按自己需要選擇，唔怕太大碗食唔晒會浪費食物，呢點幾值得讚。今日唔多想食肉，所以揀左酸辣番茄湯加竹笙加紫菜。酸辣番茄湯底夠濃夠開胃，比較連鎖店好好多。竹笙夠淋，而紫菜我通常會浸淋一半先，另一半有少少爽口咁食，美中不足係姐姐忘記走芫茜🥺。另一樣幾抵讚係姐姐幾有心，叫凍飲記得走飲管。