十十川滬料理 (Closed)

呢間店舖喺朗豪坊food court入邊，入到去門口見到有唔少人排緊隊，好彩今日有book到位，見到入邊都幾full㗎！一坐低店員會奉上熱茶，佢哋嘅茶應該係玄米（定炒米？）茶 ，好香好好飲！朋友一嚟已經飲咗好幾杯🤣🤣蒜泥黑毛豬白肉佢其實唔係辣㗎，唔好俾佢個樣同佢個名呃到，佢個醬係屬於甜甜地比較清新嘅味道；白肉入邊包住一塊青瓜，再點埋個汁加埋啲蒜蓉，整體食落嘅感覺係好Fresh!孜然烤羊肋排呢個羊排肥瘦均勻，食落去會有少少羊臊味，而且個皮烤到好脆！仲有青瓜片同埋洋蔥圈可以夾埋一齊食，所以唔會覺得油膩。四川酸辣湯酸辣湯嘅湯料有唔少，例如冬菇、蛋花、木耳等等，幾種唔同嘅食材配搭埋一齊令到口感豐富；而味道有酸有辣，仲食到有胡椒既味。酥皮鳳梨奶黃窩餅呢個甜品簡直係今晚嘅係highlight，酥皮好脆好多層，而個餡就係奶黃同鳳梨組成既，整體甜甜地又香鳳梨味，仲食到真嘅果肉粒，所有材料都好夾！必叫！