Video
Read full review
2020-04-06
179 views
門面走日本風，相當易認。一坐低先送上加左醬油ge磯燒元貝小食，每人兩粒，一路食一路掃QR code用手提落單。冰鎮原隻魷魚仔除左原隻上，仲係原汁原味無預先調味，點少少豉油wasabi不錯，但唔夠牙力的話可能吃力d。加州卷蟹子爆晒出黎。我唔食三文魚，朋友話魚皮燒得幾香。生蠔大隻新鮮，味較淡。帶子好肥美。粟米好甜無渣。牛柳大大粒，燒到半熟，易咬，如果表面燒耐少少一定仲正。豬五花腩同博多雞肉都燒得剛剛好，唔會乾柴。除左醬油外，燒物仲可以配香草檸檬同麻辣海鹽，一款食物可試齊三種味道。雖然無飲酒，但都叫左幾款佐酒小食，第一次食鱈魚乾，真係好香，慢慢咬細味一下。平時食雞軟骨最怕成口油，但呢度ge雞軟骨就無呢個問題。蟹肉忌廉薯餅好香甜，三種食材相當夾。蜆鮮甜無沙，湯底酒味極濃，嗜酒者不妨大啖大啖飲。醬油湯底唔油，亦唔會太鹹，烏冬亦非平價貨色，夠彈牙。海膽一眼睇晒，真材實料，飯超多，爭d食唔晒。
門面走日本風，相當易認。
一坐低先送上加左醬油ge磯燒元貝小食，每人兩粒，一路食一路掃QR code用手提落單。
冰鎮原隻魷魚仔除左原隻上，仲係原汁原味無預先調味，點少少豉油wasabi不錯，但唔夠牙力的話可能吃力d。
加州卷蟹子爆晒出黎。
我唔食三文魚，朋友話魚皮燒得幾香。生蠔大隻新鮮，味較淡。帶子好肥美。
粟米好甜無渣。牛柳大大粒，燒到半熟，易咬，如果表面燒耐少少一定仲正。豬五花腩同博多雞肉都燒得剛剛好，唔會乾柴。除左醬油外，燒物仲可以配香草檸檬同麻辣海鹽，一款食物可試齊三種味道。
雖然無飲酒，但都叫左幾款佐酒小食，第一次食鱈魚乾，真係好香，慢慢咬細味一下。平時食雞軟骨最怕成口油，但呢度ge雞軟骨就無呢個問題。蟹肉忌廉薯餅好香甜，三種食材相當夾。
蜆鮮甜無沙，湯底酒味極濃，嗜酒者不妨大啖大啖飲。
醬油湯底唔油，亦唔會太鹹，烏冬亦非平價貨色，夠彈牙。
海膽一眼睇晒，真材實料，飯超多，爭d食唔晒。
Post
