Video
Read full review
2010-01-02
65 views
除夕夜唔想同人迫, 叫咗外賣番屋企食, 呢間Pizza Hut只做外賣, 打電話或網上落訂單都得, 原來上網落單滿$180會送多一個薯蓉+一個飲品/湯, 如果打電話落單就只會送一個飲品/湯, 咁梗係試下網上落單啦! 點知原來除夕夜無呢個優惠... 唔緊要, 來日方長, 下次實要試一試個免費薯蓉! 兩口子叫咗一個二人套餐, 有最新嗰個帆立貝星芝批, 海鮮寬條麵, 金粟芝士釀雞翼拼秘製雞搥, 一個蘑菇忌廉湯+一罐百事, 都係$219 !可惜今日無飲品同薯容送, 如果唔係仲抵!!帆立貝星芝批 - 批中間好大陣帆立貝味, 可能會有人話腥, 但我覺得幾鮮! 比起其他Pizza, 呢個特別多芝士, 批中間有大量芝士, 愛芝士者必食! 批邊有一舊舊麵飽, 內有腸仔, 腸仔面有芝士同蜜桃汁, 個批邊少食就多滋味, 兩個人食呢個批... 就好似食咗好多好多個腸仔飽!! 海鮮寬條麵 - 呢次夠熱! 天氣咁凍都夠熱, 抵讚!!! (試過唔夠熱個汁結哂好難食), 好香奶油味, D海鮮都焗得好香口! 果然係最愛! 金粟芝士釀雞翼拼秘製雞搥 - 個芝士釀雞翼唔係好好味, 可能已經食咗太多芝士... 食落口個感覺好
兩口子叫咗一個二人套餐, 有最新嗰個帆立貝星芝批, 海鮮寬條麵, 金粟芝士釀雞翼拼秘製雞搥, 一個蘑菇忌廉湯+一罐百事, 都係$219 !可惜今日無飲品同薯容送, 如果唔係仲抵!!
帆立貝星芝批 - 批中間好大陣帆立貝味, 可能會有人話腥, 但我覺得幾鮮! 比起其他Pizza, 呢個特別多芝士, 批中間有大量芝士, 愛芝士者必食! 批邊有一舊舊麵飽, 內有腸仔, 腸仔面有芝士同蜜桃汁, 個批邊少食就多滋味, 兩個人食呢個批... 就好似食咗好多好多個腸仔飽!!
海鮮寬條麵 - 呢次夠熱! 天氣咁凍都夠熱, 抵讚!!! (試過唔夠熱個汁結哂好難食), 好香奶油味, D海鮮都焗得好香口! 果然係最愛!
金粟芝士釀雞翼拼秘製雞搥 - 個芝士釀雞翼唔係好好味, 可能已經食咗太多芝士... 食落口個感覺好漏, 雞搥個香草醃料味幾好味!
蘑菇忌廉湯 - 已經飽哂, 留番第日煮西蘭花做個汁, 一流!
Post
