Video
Read full review
2023-12-12
2849 views
去深圳食火鍋，價錢又抵，食物種類又多，服務又好，難怪吸引咁多香港人北上消費，我自己也間中會去，經驗真心好的。不過，上星期幫襯過「家嫂」之後，感到很欣慰，原來香港仍有些如此用心優質的火鍋店。👍🏻👍🏻👍🏻在朋友介紹下，第一次幫襯「家嫂」，一行六位，與朋友慶祝生日。雖是星期五7點黄金時段也不算難Book(真替他們擔心😅)，先交5百留位費是必須的，也符合愛放飛機的香港文化🤭。取位時，店員見我手拿蛋糕，不用多言，已醒目地幫我接過並放好蛋糕。由於第一次幫襯唔識叫(大鄉里)，店員耐心地介紹那「家嫂輪盤🧿」，先是刺身大龍舟🛶(海胆，鮮鮑，八瓜魚，帶子，三款魚生，牡丹蝦，北寄貝)雖不可添加，但份量已經十足。之後幾款小食都很有水準，蝦多士encore咗幾次😋，警喜酸辣粉(有枝心型小辣油倒插在粉上，隨喜好落，好細心而且加添玩味)再來雞煲(點了少辣)，有蜆，有豬皮，雞切到一口細細粒，易食又入味，為咗留肚無再添食，但下次點都要再添，因真心好食。上正場火鍋了，湯底都有5~6款，招牌花膠湯要預訂(好似唔駛加錢)，我們點了椰子湯，清清甜甜配海鮮唔會失去鮮味，主角海鮮(海蝦，鮑魚新鮮到仲會郁😣)，還有肉蟹，魚片，鱔片，
不過，上星期幫襯過「家嫂」之後，感到很欣慰，原來香港仍有些如此用心優質的火鍋店。👍🏻👍🏻👍🏻
在朋友介紹下，第一次幫襯「家嫂」，一行六位，與朋友慶祝生日。
雖是星期五7點黄金時段也不算難Book(真替他們擔心😅)，先交5百留位費是必須的，也符合愛放飛機的香港文化🤭。
取位時，店員見我手拿蛋糕，不用多言，已醒目地幫我接過並放好蛋糕。
由於第一次幫襯唔識叫(大鄉里)，店員耐心地介紹那「家嫂輪盤🧿」，先是刺身大龍舟🛶(海胆，鮮鮑，八瓜魚，帶子，三款魚生，牡丹蝦，北寄貝)雖不可添加，但份量已經十足。
之後幾款小食都很有水準，蝦多士encore咗幾次😋，警喜酸辣粉(有枝心型小辣油倒插在粉上，隨喜好落，好細心而且加添玩味)
再來雞煲(點了少辣)，有蜆，有豬皮，雞切到一口細細粒，易食又入味，為咗留肚無再添食，但下次點都要再添，因真心好食。
上正場火鍋了，湯底都有5~6款，招牌花膠湯要預訂(好似唔駛加錢)，我們點了椰子湯，清清甜甜配海鮮唔會失去鮮味，主角海鮮(海蝦，鮑魚新鮮到仲會郁😣)，還有肉蟹，魚片，鱔片，貴妃蚌，蛤，蠔，墨魚，尤魚，魚肚，帶子，珊瑚蚌)全部都新鮮，大件又任叫，一啲都唔孤寒小器，不過叫時講明數量，唔會造成浪費。
其他火鍋配料也很豐富，手打丸，餃子雲吞，黑豆枝竹，嚮鈴，魚皮，蔬菜籃，牛肉(得一款無分等級)，豚肉。
仲有家嫂剁椒，紅油，黃色辣椒醬。
頂 come on ! 連辣椒醬都好味過人。
估唔到飲品都俾到驚喜我們，唔好話汽水果汁呢啲行野，自家製足料雪梨蘋果茶都未滿足到我們，家嫂竟然有即製鴨屎香檸檬茶(樓下旺角都賣緊35蚊杯)，
結果我個人嘆了兩杯，爽呀!😋
想飲番杯的仲有用紅酒，白酒，香檳，啤酒的酒樓點心手推車到處巡遊，歡迎任飲。
食到呢到，個肚已無位食甜品(蕃薯糖水，雪糕雪條)😅
服務方面，玩一轉「火鍋輪盤🧿」店員真是忙過不停，上完呢樣上果樣，又要執拾，又要幫我們揸機影相，但店員仍然有叫必應，绝無黑面，冷淡對待，店員更不時面露笑容，這是香港久違了服務員應有的面貌。見他們勤快地服務一段時間，幾個店長坐在休息，有說有笑地吃着公司為他們的宵夜麵包，食客和店員都很歡悦滿足，情景確是很窩心。
比起用食物撑飽的肚子，今餐也令我心靈飽足。
時間來到9點半，一般火鍋放題都設用餐時間90~120分鐘，我們由7點開始已過150分鐘，心想他們趕收工會趨促埋單，誰知他們此時為我們執拾，換過乾淨的碟，拿出買來的蛋糕，每個安排都是咁流和貼心，客人輕鬆，不用操心，樂得被他們擺佈。最後我們自在地吃完蛋糕，聊天至差不多10點15分才離開。
餐牌寫晚市每位418，心諗埋單你就知!
結果都只是收咗加一，無其他收費。
即每位$460，雖然比其他放題貴，但食物和服務質素，绝對物有所值，如海鮮叫多幾轉直情可以回本。真心推薦。👍🏻
如10分满分，家嫂有9分，如午市$298都有咁上下正得話，咁就perfect10分了。😁
Post