貴記荳品 (Closed)

見咁多人讚，早兩日特登入來試，但係真係幾失望。我叫o左好多人讚的牛肉包，鍋貼同擔擔面，仲有豆漿。不過，可能我來時唔係剛出爐(有幾多人真係咁o岩可以就到佢剛出先來呢)，d窩貼真係一般，皮好厚，入面d料只係ok，唔覺特別好味。而牛肉包都熱，皮都有少少脆，d料就亦只係ok，有d汁。到最出名的面啦，我叫了多醬，食落d面真係ok，幾好，唔林，但佢d配料只有少少菜圃，其他咩都無，齋面，雖然有麻醬，但食食下都幾「寡」，所以都無食晒。最後豆漿，幾好味，但飲到最尾好似有d「炸」，而且我真係飲唔出佢同我屋企樓下間面鋪果d有咩分別。總括來說，唔覺特別好味，所以應該唔會再來。附帶一提，雖然我都知呢間係老店，唔慌乾淨，但竟然好不幸咁係我食食o下o野時，隔離牆出現o左隻小強，嚇到我即時搬位，都算我唔好彩啦。