Video
Read full review
2018-11-09
253 views
呢間嘢真係好鬼巴閉, 之前母親節時已經想試, 但又話限時段, 又要親身去比deposit, 麻鬼煩, 咁就冇去, 不過母親又好似好想試咁, 於是趁父親節+母親生日去試啦~ 今次雖然都係有限時段, 但就唔駛先比deposit, 只係佢地一開舖就打嚟double cfm果晚booking, 難道真係咁多人去食?當晚食第一時段, 差不多時間去到, 離遠已經見到有人等位, 好彩我地booking咗枱, 我諗除咗2位之外, 其餘唔book枱真係唔知要等幾耐..............一入到去燈光昏暗, 一直入到最入, 由於後面係全玻璃, 睇到後花園, 所以先覺得好似冇咁黑, 其實食肆我真係唔鍾意太暗, 好令人恰眼瞓, 食咗乜落肚都唔知..................由於係父親節, 所以有父親節餐, 比較過父親節餐同menu入面啲菜式, 發覺都係父親節餐抵食啲, 而且應該會快好多, 因為已經set死哂, 反正都未食過, 所以食乜都冇所謂, 就叫個父親節餐啦~落咗order又未上菜, 就周圍望下啲裝修, 呢度除咗細枱係方枱, 仲有啲多人坐的圓枱, 咁樣圍住食比較親密啲, 而且唔係自己一人一個se
當晚食第一時段, 差不多時間去到, 離遠已經見到有人等位, 好彩我地booking咗枱, 我諗除咗2位之外, 其餘唔book枱真係唔知要等幾耐..............
一入到去燈光昏暗, 一直入到最入, 由於後面係全玻璃, 睇到後花園, 所以先覺得好似冇咁黑, 其實食肆我真係唔鍾意太暗, 好令人恰眼瞓, 食咗乜落肚都唔知..................
由於係父親節, 所以有父親節餐, 比較過父親節餐同menu入面啲菜式, 發覺都係父親節餐抵食啲, 而且應該會快好多, 因為已經set死哂, 反正都未食過, 所以食乜都冇所謂, 就叫個父親節餐啦~
落咗order又未上菜, 就周圍望下啲裝修, 呢度除咗細枱係方枱, 仲有啲多人坐的圓枱, 咁樣圍住食比較親密啲, 而且唔係自己一人一個set, 大家share食, 都係坐圓枱方便好多...............而近玻璃果度, 就係梳化位, 你可以話係可以望後花園景, 但我就唔係太鍾意, 因為出面啲人都望到你, 好似比人睇住食嘢咁, 感覺好唔自然.............
等咗5分鐘左右先上一款飲品, 另一款等多5分鐘, 正想追佢之際, 就嚟到............
鮮青檸梳打
鮮青檸梳打
7 views
0 likes
0 comments
西瓜汁
西瓜汁
7 views
0 likes
0 comments
前菜拼盤
前菜拼盤
27 views
0 likes
0 comments
冬蔭炸雞翼 -> 將雞翼開半, 咁樣睇起嚟又可以多啲, 炸起嚟又快熟啲, 食起嚟又易食啲, 大家win win, 不過我唔係好覺係冬蔭味, 似普通炸雞翼, 不夠炸得夠香脆, 又駛乜理佢本身係咩味丫~
雞，牛肉沙爹 -> 每樣2串, 由於我唔食牛, 所以我可以食獨食一串雞, 燒得唔夠香口, 好彩個沙爹汁唔太差~
芝麻蝦多士脆條 -> 咪即係蝦多士加芝蔴, 都食到啲蝦幾爽, 但好似油咗少少~
烤豬肉鮮蝦米紙卷 -> 比佢個樣呃咗, 見到佢啲肉係深色, 以為係牛, 所以我自動棄權, 而家寫食評先發現原來係豬肉...................無緣.........................
法國燒春雞
法國燒春雞
7 views
0 likes
0 comments
黃咖哩海鮮大薈配蒜蓉包
我開頭睇錯咗, 以為係黃咖哩海鮮大包, 但上到枱見到冇包, 係配蒜茸包先知自己發雞盲, 仲諗住會好飽, 因為有大包, 點知只係得2塊蒜茸包.....................其實2塊蒜茸包邊夠? 為咗唔好嘥咗啲咖哩汁, 我地叫多咗一份蒜茸包, 因為佢冇薄餅, 只係得蒜茸包同白飯你選, 咁梗係蒜茸包正啲啦~ 雖然佢啲蒜茸包唔熱, 但都仲脆口~
黃咖哩唔係好辣, 啱哂我, 不過海鮮就唔係好多, 都係青口、蝦、魷魚、蟹柳果類, 亦唔係新鮮海鮮, 都係雪藏嘢, 只不過啲咖哩味蓋過啲雪味~
是拉差醬燒豬肋骨
是拉差醬燒豬肋骨
6 views
0 likes
0 comments
呢味菜係用木板上, 而啲薯條用"浪口mug"裝住, 好似好casual同好西式feel~
其實個味道我又覺得同平時其他西餐廳食果d照燒醬差不多味, 而個size都有10條骨, 剛好夠我地5個人食, 肉質都好林, 雖然好薄肉, 但都唔會太乾身, 旁邊仲有啲蕃茄、青瓜同粟米, 感覺上食完肉再食返啲蔬菜會好啲~
香脆豬腩肉炒芥蘭
雖然呢個係4人餐啫, 但都唔駛連豬腩片都數住, 淨係比4塊你, 太小家了吧~ 基本上佢都係炸好啲豬腩片, 然後有order時就將佢同啲芥蘭一起炒完上碟, 完全各有各味道, 同埋油咗少少囉~
甜品
係個甜品拼盤, 總共有4款唔同甜品, 各有特式, 分量唔會太多, share食, 每樣食啲就啱啱好~
斑蘭焦糖燉蛋 -> 個色就夠哂斑蘭, 但個味淨係食到甜, 唔係好夠斑蘭味同蛋味
草莓香蕉薄餅 -> 完全唔配合泰國菜, 無啦啦整個西式甜品, 雖然味道OK, 但硬係覺得有啲格格不入
泰茶拉米蘇 -> 好有泰茶味, 唔會太甜
芒果芝士蛋糕 -> 呢個幾好食, 又有芒果味, 又夠芝士味
呢度啲店員好多都係純粹負責上菜同執枱, 如果要落單, 你要搵果啲看似高級少少果d先可以幫你落單, 唔係係人都可以幫你落單, 所以要比啲時間同耐性~ 同埋唔係好主動收碟, 就算有菜上, 都係我地拎起叫佢收先識收, 如果將枱仲有位擺菜, 係唔試主動收碟囉~
講真, 元朗大把泰國菜, 雖然味道唔算差, 但太多規限, 價錢又唔係平, 我本人暫時未搵到好值得再試的理由, 叫做試過就算囉~
Other Info. :
我明明影哂咁多張美食, 但點知寫食評時發現唔見咗幾張, 激死我...............
(The above review is the personal opinion of a user which does not represent OpenRice's point of view.)
Post
