LM Cafe (Closed)

去過兩次，一次lunch, 一次晚餐。好多人排坐得幾迫。 Lunch叫左雞排撈丁，個雞排有腥味，我地兩個人都有食，大家都覺得有怪味所以無食到雞只係食左麵。要50蚊左右。 第二次晚餐去，都係好多人。落單後侍應叫我地轉枱因為想空出4個位，咁我地就轉左枱。 之後我地等左都15mins, 我朋友發現佢地落錯單就叫佢地改返，由於又繼續等，發現侍應好似成日唔知d食物要送去邊咁樣，好亂，可能因為佢地成日將d客轉枱所以攪到咁，又出錯野。 我朋友個腸仔丁麵加飲品($28) ，都等左25mins.... 咁我又叫佢地跟下我個韓式鐵板麵($50) ，因為我都等左好耐， 結果我由7:35分落的單等到8:20先有得食，中間都同佢地講左兩次 .... 如果我食個韓式鐵板丁要等45mins先食到應該好好食啦， 點知d味好怪，好鹹又酸又辣，我唔係未食過韓式辛辣麵，但今次真係第一次食咁怪既味，d牛肉好硬，只有炸蝦同兩粒西蘭花好食 .....所以我最後都只係食左炸蝦同西蘭花 .... d麵直情好怪連我朋友食左一口 都變晒樣，叫我唔好食 ..... 我就係咁餓住返左屋企食方包。 我唔知會唔會再去。 成個管理都好亂，侍應好