桜

Open Now

Now Closed

近年來手卷店風氣盛，呢類型嘅店終於開到入元朗。 既然喺元朗咁就腳，我當然要去光顧下啦。呢間小小嘅手卷店， 位於雞地嗰邊，喺鳳琴街同合益廣場中間，而且來光顧嘅客人亦都比較多，所以都唔難搵到佢嘅位置。呢度嘅手卷選擇好多，有唔同類型嘅手卷任人選擇，亦都有比較多樣化嘅配搭，都幾花多眼亂，但係總會有一款啱心水。而佢唔單止售賣手卷，亦都有丼飯賣。同埋一啲盒裝刺身，無殼椰青亦都有。而我就選擇咗海膽拼赤海蝦手卷同埋極上刺身丼。呢一個海膽赤海蝦手卷， 基本上材料 都擠滿咗喺手卷上方。咬一啖，都可以令到啲海膽同赤海蝦可以由手卷上跌落嚟，所以食嘅時候要好小心。赤海蝦鮮甜，肥美，超級有咬口，而啲海膽亦都非常有鮮味。拼埋一齊食簡直就係超級好味。而個極上刺身丼，由幾種刺身拼合而成，有三文魚，帶子，甜蛋，三文魚籽等等，材料非常豐富。我比較鍾意佢嘅三文魚籽，因為一啲腥味都冇，而且每粒咬落去，會爆嗰下嘅感覺令我覺得好得意。佢當中嘅鮮味亦都非常適合撈埋啲飯一齊食。呢一度嘅價錢適中，甚至有機會比出面低少少，但係食物質素依然保持高水平，所以相對上我覺得係抵食嘅，有機會我會再來幫襯，因為佢真係方便，快捷同好食。