Video
Read full review
2023-03-23
308 views
今日honey話想食川菜 ，我上openrice睇下附近有冇咩好介紹， 結果睇到 一間好特別嘅川菜館 ，紅色嘅外形 ，入面嘅裝修好似京劇嘅舞台咁，高掛大紅燈籠， 仲有卡通版嘅京劇人物相片， 靚到爆燈。 間餐廳不大， 只有廿幾個位，都已經差唔多坐滿 ，好彩仲有兩個位留返畀我哋 。餐廳樓底好高 ，非常乾淨企理， 好似新嘅咁， 所以坐得舒服。 我今日揀咗醬香雞煲， 蔥爆牛肉 ，大碗菜花， 諗住唔夠再叫， 點知啲菜一上嚟， 嘩一聲， size夠曬大， 個雞煲香噴噴， 有好多雞肉， 豆卜， 同埋我最鍾意嘅各樣香菜， 包括芫茜， 中芹， 洋蔥 ，大蔥 ，薑 ，蒜，我同佢改個靚名叫做綠野仙鳳🐓蹤， 因為喺好新鮮嘅香菜入面你會搵到一舊舊肥美嘅雞肉 ，見到都流口水 。第二碟餸係蔥爆牛肉， 爆香嘅大蔥 同醬香牛肉一齊炒， 極之惹味， 我又幫佢改咗個名叫做聰明牛魔王， 因為啲大蔥係好有益嘅食物， 同啲牛肉一齊食， 食咗更加聰明。 跟住見到openrice介紹大碗菜花好多人食， 我又趁熱鬧試下， 椰菜花本身就係好健康嘅食物 ，再加上佢炒得好好食， 用好薄嘅五花腩加青辣椒同埋乾紅椒一齊炒 ，勁香勁爽口 ，食到停
今日honey話想食川菜 ，我上openrice睇下附近有冇咩好介紹， 結果睇到 一間好特別嘅川菜館 ，紅色嘅外形 ，入面嘅裝修好似京劇嘅舞台咁，高掛大紅燈籠， 仲有卡通版嘅京劇人物相片， 靚到爆燈。
5 views
0 likes
0 comments
間餐廳不大， 只有廿幾個位，都已經差唔多坐滿 ，好彩仲有兩個位留返畀我哋 。餐廳樓底好高 ，非常乾淨企理， 好似新嘅咁， 所以坐得舒服。 我今日揀咗醬香雞煲， 蔥爆牛肉 ，大碗菜花， 諗住唔夠再叫， 點知啲菜一上嚟， 嘩一聲， size夠曬大， 個雞煲香噴噴， 有好多雞肉， 豆卜， 同埋我最鍾意嘅各樣香菜， 包括芫茜， 中芹， 洋蔥 ，大蔥 ，薑 ，蒜，我同佢改個靚名叫做綠野仙鳳🐓蹤，
因為喺好新鮮嘅香菜入面你會搵到一舊舊肥美嘅雞肉 ，見到都流口水 。第二碟餸係蔥爆牛肉， 爆香嘅大蔥 同醬香牛肉一齊炒， 極之惹味， 我又幫佢改咗個名叫做聰明牛魔王， 因為啲大蔥係好有益嘅食物， 同啲牛肉一齊食， 食咗更加聰明。
跟住見到openrice介紹大碗菜花好多人食， 我又趁熱鬧試下， 椰菜花本身就係好健康嘅食物 ，再加上佢炒得好好食， 用好薄嘅五花腩加青辣椒同埋乾紅椒一齊炒 ，勁香勁爽口 ，食到停唔到。
一間細細嘅川菜館 ，咁有水準， 而且價錢一啲都唔貴， 仲平過我平時食開嗰啲川菜 ，服務一流， 個店員靚姐姐見我哋飲完水即刻斟， 食完餸即刻收碟， 畀我哋一個舒舒服服清清爽爽嘅環境享受靚爆嘅環境， 好味爆嘅美食， 真係食得超滿足。 今餐真係色香味俱全， 裝修得咁有特色嘅鋪頭都係第一次見， 好明顯店主係一個好有中國文化品味嘅人。
我影咗好多靚相，可惜版面有限， 冇得 post， 嘥曬我啲心機。
Post
