Video
Read full review
2006-08-12
42 views
爸爸birthday, 佢又賴到唔想出0甘遠搵食，咪話近近地搞掂。原本唸住帶佢搵d貴夾唔飽野，叫做孝順下佢；所以對屋村0既食鋪都有d覺得...唔慌有咩野驚喜，佢話點就點啦!(原本)呢間店係食京滬菜，見佢個餐牌都幾齊，如果唔食小菜、點心，碟頭/咖哩都有供應。老豆一拿起餐牌，就即刻發光。叫左砂鍋雲吞雞、咸肉津白、酸甜菊花魚、蔥油餅、鐵板蒙古牛肉。(4個人食...老豆真係當正肥姐同埋恩宜開餐)我唯有叫伙記少油少油少油啦。同老豆乾杯之後，第一個上0既係鐵板。一掀蓋，咋一聲，d牛肉個色唔係全熟，帶少少紅，有青紅黃椒，仲有京蔥。而個汁有好香0既胡椒味，0個種辣味，係非常野味。牛肉非常淋滑，索左d汁，好鬼正。老豆係0甘食，我都係0甘食....d京蔥，野味!然後上0既雲吞雞，雲吞0既數目有成10粒，隻隻都幾大，味道唔特別，隻雞有半邊，都好大隻。我淨係食左雞胸，當然係幾孩啦。而屋企人食完之後，都讚隻雞好滑，好好食。細佬問，點解隻雞係砂鍋入面煲0甘耐都唔孩，老媽話隻雞根本唔會同d雲吞一齊煲啦，係d雲吞熟左先擺隻熟雞落去。又係喎。菊花魚上檯就真係好吸引，離遠就聞到陣醋味，佢加左d生果粒係魚面上，有菠蘿、桃、
呢間店係食京滬菜，見佢個餐牌都幾齊，如果唔食小菜、點心，碟頭/咖哩都有供應。老豆一拿起餐牌，就即刻發光。叫左砂鍋雲吞雞、咸肉津白、酸甜菊花魚、蔥油餅、鐵板蒙古牛肉。(4個人食...老豆真係當正肥姐同埋恩宜開餐)我唯有叫伙記少油少油少油啦。
同老豆乾杯之後，第一個上0既係鐵板。一掀蓋，咋一聲，d牛肉個色唔係全熟，帶少少紅，有青紅黃椒，仲有京蔥。而個汁有好香0既胡椒味，0個種辣味，係非常野味。牛肉非常淋滑，索左d汁，好鬼正。老豆係0甘食，我都係0甘食....d京蔥，野味!
然後上0既雲吞雞，雲吞0既數目有成10粒，隻隻都幾大，味道唔特別，隻雞有半邊，都好大隻。我淨係食左雞胸，當然係幾孩啦。而屋企人食完之後，都讚隻雞好滑，好好食。細佬問，點解隻雞係砂鍋入面煲0甘耐都唔孩，老媽話隻雞根本唔會同d雲吞一齊煲啦，係d雲吞熟左先擺隻熟雞落去。又係喎。菊花魚上檯就真係好吸引，離遠就聞到陣醋味，佢加左d生果粒係魚面上，有菠蘿、桃、蕃茄粒；但魚0既味就唔會好鮮，其實似炸魚柳，而佢0既「菊花」就唔似王+沙一條魚上碟完整，但魚身炸成菊花狀，而係幾塊魚柳炸到佢「開花」。不過，真係唔知邊度正宗，好食就得，幾開胃架....「炸」野，真係不妙。
上完菊花魚之後，有津白。津白個份量都幾大碟，同埋唔油，個味就冇咩特別，偏淡，呢個係唯一一個食得好放心0既菜，食左好多!!最後上埋蔥油餅，佢同普通我地唸0既蔥油餅(個形有d似pizza，個面有好多芝麻，入面有碎蔥)唔同，佢個size好的骰，似一個月餅0甘大，圓形厚身，但佢唔係餅，係酥，中間個餡有蔥，聚埋一齊。我試左少少，知係酥都唔敢食太多lu。(確實幾鬆~)
老媽老豆不斷話好食，我同細佬都開始停。佢地見到小籠包就發埋癲，係都要叫。好啦好啦~~上檯，d小籠包有5隻，都幾大隻，我食唔落噢，唯有佢地講番好唔好食啦。佢地一致話好正喎，夾落去又唔易穿，同埋d皮好薄，啖湯(油)好鮮。呢d我唔會0甘易受騙0既...。Say No~~
佢d伙記見到我影相，都係度讚佢地d野食好正，仲好識做遞晒卡片。佢雖然係屋村商場，個位置都唔難搵。其實間野好似係今年先開，個鋪專登裝修過晒，設晒卡位，吊燈，佢專做街坊生意，9點幾仲有好多人，有d未有檯0既就係外面等。都幾full。係到10點d人就少d。
是日我同細佬埋單都係$272，下面價錢係除開4個人架。老豆食得好鬼開心，叫左好多啤酒，又食左好多野。真係飽到想嘔(幾折墮~~)，Even屋食肆絕對收貨，就算下次唔係老豆birthday，都會encore。如果要搵京滬野，呢個價錢真係難d係九龍搵到。
麻煩大家: 如果係其他區有d抵0既京滬菜，請示之!!感謝~~(本人對食就冇咩研究，如發現抵野食，請指教!)
Post