Neway Karaoke Box

Open Now

Now Closed

最近逢星期三可以$99唱K，今次去嘅係佐敦分店，好耐冇去過K房嘅我印象中唱親K都係食頹飯，但原來而家啲嘢食質素又ok喎👍🏻。香煎雞扒-薯條（松露汁）（$40）黃金時段加$40就食到一個正餐，價錢真係勁抵！個賣相已經令我好驚喜😍件雞煎得都幾香口，個皮有輕微脆面嘅感覺，雖然有啲油，但都係可接受範圍內～而雞肉都幾嫩滑，冇雪藏味，呢個價錢嚟講都物超所值！雞扒可以揀黑椒汁或者松露汁，我揀咗平時冇咁常見嘅松露汁，個汁比想像中稀少少，味道唔算好濃，但聞落都算香，同行朋友揀咗黑椒汁，個人覺得松露汁更值得一試！另外跟餐可以揀配飯/意粉/薯條，我就揀咗薯條，份量都好多，雖然一睇就係翻焗嘅冷藏薯條，但食落好夠脆，個人覺得比賣相更出色！配埋松露汁都幾好食，真係有松露薯條嘅感覺，就好似upgrade咗咁😂不過缺點同樣係偏油，如果擺耐咗就更加明顯～但講真晚市做呢個價錢真係無咩要求啦，整體都算好抵食。