甘味讚岐手打烏冬 (Closed)

這晚男友遲收工，所以唔去太遠，留喺yoho mall覓食。以為Yoho Mall大部分餐廳都已經食過，點知比我發現原來呢度有間甘味讚岐烏冬專門店，位置喺運動舖對面，所以平時都無咩點留意。呢晚就一於試下佢！點咗滿桌子食物！汁燒牛肋骨烏冬($76)牛肋骨肉質軟腍，燒汁味道惹味。烏冬雖然係讚歧烏冬，但屬比較粗身嗰款。烏冬不愧係招牌，爽滑彈牙，口感好好。燒鰻魚飯($92)鰻魚份量十足，大塊厚肉，食落肉質嫩滑，入口保留彈性。日本燒汁甜甜地，好易送飯。呢個價錢喺商場都算抵食。鹽燒三文魚頭($52)燒三文魚頭好大份，外面燒到微焦，魚肉依然嫩滑。唔使太多調味，落少少鹽燒已經好夠味。為食嘅我哋仲點咗芝麻三文魚手卷($14／件)同三文魚壽司($15)，質素都ok。如果壽司選擇多D就更好啦。整體食物都唔錯，環境舒適，都係商場入面嘅抵食之選。