砂煲兄弟 (東港城) (Closed)

以前想食煲仔飯，必定諗起廟街或者舊式大排檔，仲要多數冬天先有得食，今日行街發現有間睇個名就知道係食煲仔飯嘅舖頭，愛生事家庭又走入去試試，睇餐牌煲仔飯種類唔算多但都幾特別，而且仲有其他小菜可揀，落單等咗一陣就有得食，梅菜肉餅煲仔飯先嚟，可能未收水，飯有D腍，煲仔飯應該要食乾身呢，但肉餅好味嘅，；黃鱔煲仔飯就可能我地等咗一陣，所以飯夠乾身，煲底有飯焦添，如果黃鱔可多幾舊就仲正，講笑啫!竹笙杞子浸時蔬，份量夠而好味道，總括嚟講呢度係唔錯嘅，不過有加一就覺得貴咗DD，下次試吓其他食物先