Video
Read full review
2020-10-27
1391 views
今日同 P san 入咗沙田行街拍拖, 搵到喱間東南亞食店試吓。 下晝 2:45pm 左右到店門外, 店內仍然滿座, 我哋等咗大概 3 分鐘有人埋單, 指定動作後, 店員就安排入座。 我咃睇咗一陣餐牌, 就決定點喇沙蝦湯配手撕雞摻摻、 喇沙雞飯、 檳城白咖啡同椰子白咖啡。 等咗唔使 10 分鐘, 所有飲品同食品都上齊。喱個就係喇沙蝦湯配手撕雞摻摻本人, 湯頭微辣, 有少少椰漿味, 但最突別嘅係佢唔止有喇沙嘅辣同椰漿味, 仲有好香濃嘅蝦味, 令成個湯增添咗不少鮮味, 但唔會令喇沙味被搶走, 係好夾嘅; 而用料方面, 手撕雞肉嫩滑唔鞋口, 而且有雞味, 仲有蝦、 魚片、烚蛋同埋豆卜, 蝦肉彈牙有蝦嘅鮮味, 魚片亦好爽同有魚味但唔腥, 豆卜可以吸滿湯汁再放入口爆發出嚟, 真係滿口都充滿喇沙蝦味; 另外要講吓摻摻, 佢嘅油麵同米粉都好爽, 但個人比較鐘意米粉, 因為每條米粉都掛住湯汁, 可以吸味。 跟住講吓喇沙雞飯, 喱個我比較失望, 因為太多油, 但無咩喇沙味, 但雞件都好爽滑有雞味, 而且份量都唔細, 飯方面係硬飯, 再加咗少少炸蒜喺面, 非常香口, 亦配有幾片青瓜、 洋蔥椰菜同
我咃睇咗一陣餐牌, 就決定點喇沙蝦湯配手撕雞摻摻、 喇沙雞飯、 檳城白咖啡同椰子白咖啡。 等咗唔使 10 分鐘, 所有飲品同食品都上齊。
喱個就係喇沙蝦湯配手撕雞摻摻本人, 湯頭微辣, 有少少椰漿味, 但最突別嘅係佢唔止有喇沙嘅辣同椰漿味, 仲有好香濃嘅蝦味, 令成個湯增添咗不少鮮味, 但唔會令喇沙味被搶走, 係好夾嘅; 而用料方面, 手撕雞肉嫩滑唔鞋口, 而且有雞味, 仲有蝦、 魚片、烚蛋同埋豆卜, 蝦肉彈牙有蝦嘅鮮味, 魚片亦好爽同有魚味但唔腥, 豆卜可以吸滿湯汁再放入口爆發出嚟, 真係滿口都充滿喇沙蝦味; 另外要講吓摻摻, 佢嘅油麵同米粉都好爽, 但個人比較鐘意米粉, 因為每條米粉都掛住湯汁, 可以吸味。
喇沙蝦湯配手撕雞摻摻
$108
32 views
0 likes
0 comments
跟住講吓喇沙雞飯, 喱個我比較失望, 因為太多油, 但無咩喇沙味, 但雞件都好爽滑有雞味, 而且份量都唔細, 飯方面係硬飯, 再加咗少少炸蒜喺面, 非常香口, 亦配有幾片青瓜、 洋蔥椰菜同紅蘿蔔絲, 令成個飯來得比較清爽, 另外, 仲有兩片炸蝦片, 好鬆化, 而且亦有蝦味, 但未算突出。
喇沙雞飯
$88
23 views
0 likes
0 comments
飲品方面, 食東南亞菜, 當然要試吓當地出名嘅白咖啡啦! 檳城白咖啡同椰子白咖啡賣相好相似, 咖啡味聞落好香, 飲落唔係好濃嘅咖啡味, 但好香滑, 而且唔甜, 好易入口; 而椰子白咖啡聞落除咗多一份淡淡椰香味外, 飲落會比檳城白咖啡甜些少, 但更香滑, 而咖啡味同檳城白咖啡一樣唔算好重, 對我同 P san 唔係太好咖啡嘅人嚟講, 真係唔錯。
凍檳城白咖啡
$30
22 views
0 likes
0 comments
凍椰子白咖啡
$32
19 views
0 likes
0 comments
用餐到大概 4 點就離開, 店員服務態度良好, 而店面亦好乾淨簡潔, 喺大型商場入面通常都係連鎖店, 好少有喱類小店, 真係要大力支持。
Post
