米子燒肉家 (Closed)

粉嶺真係甚少到訪，去朋友屋企玩完，佢提議去粉嶺中心試下燒肉。去到見到地方好大，樓底又高，坐得舒服。我地試左一款丼飯和一款燒肉套餐。丼飯系列：鹽葱牛舌丼 $62牛舌舖滿面，份量滿意。牛舌肉味濃郁，咬落唔韌。鹽、葱、檸檬稍稍調味，已經好好食 燒肉套餐：澳洲燒肉盛合套餐150g $88包括澳洲M3牛肋條、澳洲M2牛頸脊、澳洲草飼封門柳。肉嘅質素都幾好，鬆軟嫩口、肥瘦適中，略嫌份量唔係好夠食，下次要叫300g先夠。套餐包白飯, 和風湯, 泡菜或迷你沙律。