甜之迷 (Closed)

食完一頓好味既晚餐，抱住希望黎食甜品，希望為今晚作個完美既結束其實味黎之前，覺得係商場入面既甜品店應該唔太特別，加上九龍城既甜品鋪太多，質素參差！所以對呢間野既期望唔大!!揀佢既原因，就係有souffle!! 呢樣係女朋友至愛!!又有creme brulee！呢樣就係女朋友指定要今日食!呢間鋪有齊兩樣！Perfect !! 令到我勁興奮!!去到，即點焦糖燉蛋同梳乎厘！兩樣我都唔食既，不過女朋友食得開心！Creme brulee 用既creme奶味好重，亦好香！食落似食雪糕！仲要係富豪雪糕隻味!!但係真係好滑，滑得好過份！完全唔識形容!!面頭焦糖脆甜！雖然我唔識，但都覺得應該係高水準作品!!!!原味Souffle！我係唔食既!!不過女朋友話好味過酒店個D！佢超中意，話想食多10個喎!!!!!又滑又soft，個面又好味！我都識左少少，甜甜地禁啦!!哈哈我見menu上，仲有其他味，例如芝麻味，朱古力味！大家可以去試下我就叫左個"旋轉樂園"！個賣相好靚！呢個其實係有3款果汁，每款有2小杯。三款分別係士多啤梨味既汁!! 石榴加火龍果汁!! 同埋楊枝金露!!三個都好味！ 石榴o個個好清新同新奇!!