聯盛宴

Open Now

Now Closed

喺北角搵食行入港運城，以港式商場嚟講佢餐廳選擇真係唔多，不過呢間中式酒樓就更加唔起眼，要搭扶手電梯上2樓。晚市唔多人，兩個人食簡簡單單叫咗一個孖寶加個菜。脆皮一品燒雞（半隻）燒雞肉質都算嫩滑，皮夠脆不過再香少少就更好。果皮蒸大連鮑魚（四隻）鮑魚都新鮮嘅，係有落果皮不過香味就唔多覺，都算正常發揮啦。啫啫蝦乾芥蘭煲芥蘭夠脆但係蝦乾可以多啲。佢可能落咗啲鹹魚醬，調味比較濃，送飯就啱啲。可能因為晚市客人唔多，服務都算週到。