Video
Read full review
2020-03-14
50 views
今日又同朋友做yoga, 玩完都9點，即上openrice 睇下有咩餐廳未收，見到呢間拉麵店就喺d2 place 對面商場，橫掂無去過，一於試下！由於都幾夜，舖頭已經無乜人，可以坐超大卡位，食得舒舒服服！睇下有咩食先，淨係拉麵都十幾款！另外仲有冷盤同燒物等選擇，可自選配搭做套餐！我叫左個松梅竹自選套餐！一見到牛油拉麵就流口水，雖然做完運動咁食好肥！溶左牛油嘅湯底，更加咸香濃郁，但唔覺得膩！麵質軟硬適中，不錯！小食揀左燒牛舌同燒冬菇，朋友就揀左雞軟骨。全部都即叫即燒，熱辣辣脆卜卜，正！牛舌最驚就係燒到乾爭爭，佢完全無呢個問題！雞軟骨夠熱夠脆，一人一串爭啲唔夠喉！冬菇燒太乾都係死症，佢可以保持乾身得嚟又唔乾，菇味濃郁，正！總括而言，拉麵喺住宅商場嚟講ok,而串燒係驚喜！
睇下有咩食先，淨係拉麵都十幾款！另外仲有冷盤同燒物等選擇，可自選配搭做套餐！我叫左個松梅竹自選套餐！
一見到牛油拉麵就流口水，雖然做完運動咁食好肥！溶左牛油嘅湯底，更加咸香濃郁，但唔覺得膩！麵質軟硬適中，不錯！
牛油拉麵
5 views
0 likes
0 comments
小食揀左燒牛舌同燒冬菇，朋友就揀左雞軟骨。
全部都即叫即燒，熱辣辣脆卜卜，正！牛舌最驚就係燒到乾爭爭，佢完全無呢個問題！
雞軟骨夠熱夠脆，一人一串爭啲唔夠喉！冬菇燒太乾都係死症，佢可以保持乾身得嚟又唔乾，菇味濃郁，正！
總括而言，拉麵喺住宅商場嚟講ok,而串燒係驚喜！
Post
