Video
Read full review
2021-07-11
417 views
約咗朋友去鰂魚涌公園行下，順便一齊食晏。朋友話鰂魚涌出名係美食沙漠，所以佢平日甚少會踏足呢區，問我可有什麼好推介？鰂魚涌雖然工廈臨立，附近又無大型商場，不過其實區內亦暗藏不少心機小店，今次就一於由我帶路，嚟海光街呢間傳統檳城「蝦麵店」，一嚐店裡的美食。餐廳最近搬咗新鋪，環境比舊店闊落得多，加上由門面到室內裝修都以白色為主調，清新簡約，感覺通爽舒適。友人一坐低就第一時間揀咗個咖喱喇沙同白胡椒肉骨油條，而我就點咗個馬來咖喱雞飯，另外再加咗兩款小食。雞絲雞蛋麵配咖喱喇沙湯底 ($69) 湯底用豬骨、鮮雞、南薑、香茅，再連同適量椰奶熬煮而成，上桌時熱辣辣、香噴噴。呷一口，辣味無傳統喇沙咁重，入口濃而不膩。麵底選了新加坡傳統摻摻，即油麵+米粉，加上雞絲、雞蛋、豆卜和芽菜等配料，口感豐富有層次。馬來咖喱雞飯 ($60)，咖喱汁好有特色，用咗超過十種香料手工炒製，味道複雜得嚟又唔搶喉。雞件已去骨雞，入口啖啖肉；薯仔粉腍入味，配埋個咖喱汁，濃香醒胃，送飯一流。至於呢個白胡椒肉骨油條 ($62) 亦好有驚喜，真係無諗過會咁大份，仲要係用煲仔上。湯底帶陣陣白胡椒香氣，喝起來溫和又不嗆喉，肉骨鮮味十足，
鰂魚涌雖然工廈臨立，附近又無大型商場，不過其實區內亦暗藏不少心機小店，今次就一於由我帶路，嚟海光街呢間傳統檳城「蝦麵店」，一嚐店裡的美食。
餐廳最近搬咗新鋪，環境比舊店闊落得多，加上由門面到室內裝修都以白色為主調，清新簡約，感覺通爽舒適。
友人一坐低就第一時間揀咗個咖喱喇沙同白胡椒肉骨油條，而我就點咗個馬來咖喱雞飯，另外再加咗兩款小食。
雞絲雞蛋麵配咖喱喇沙湯底 ($69) 湯底用豬骨、鮮雞、南薑、香茅，再連同適量椰奶熬煮而成，上桌時熱辣辣、香噴噴。呷一口，辣味無傳統喇沙咁重，入口濃而不膩。麵底選了新加坡傳統摻摻，即油麵+米粉，加上雞絲、雞蛋、豆卜和芽菜等配料，口感豐富有層次。
馬來咖喱雞飯 ($60)，咖喱汁好有特色，用咗超過十種香料手工炒製，味道複雜得嚟又唔搶喉。雞件已去骨雞，入口啖啖肉；薯仔粉腍入味，配埋個咖喱汁，濃香醒胃，送飯一流。
至於呢個白胡椒肉骨油條 ($62) 亦好有驚喜，真係無諗過會咁大份，仲要係用煲仔上。湯底帶陣陣白胡椒香氣，喝起來溫和又不嗆喉，肉骨鮮味十足，油條索滿了白胡椒精華，非常美味。
另外兩個小食就點咗沙嗲醬魷魚翼 ($42) 同 五香脆炸豆腐豆卜 ($28)，魷魚翼爽脆有嚼口，加上沾滿了特製沙嗲醬，十分冶味！配料仲有芽菜同秋葵，好豐富。豆腐豆卜炸至脆卜卜，非常香口，點酸甜醬吃，相當開胃。
跟餐飲品點咗凍冰糖檸檬薏米水 (+$18) 同 凍杏仁霜 (+$10)，薏米水酸酸甜甜、杏霜香滑順喉，兩杯味道都唔錯。
Post
