HOW Food Factory (Closed)

放假悶悶地想搵住屋企附近既朋友hea下，一齊去左呢間工廈cafe傾計。 地鐵站行過黎都幾方便，穿過apm後轉右行多陣就到。煙鴨胸香草醬扁意粉 ($158)落單冇耐就上菜，熬辣辣聞落好香。 煙鴨胸足料有好多塊，肉質嫩滑香口，扁意粉夠彈牙，但以香味為主，再重味少少就好。香脆芝士魚柳漢堡 ($128)好大份夠哂豐富，咬落去啖啖肉好滿足，但油煙味都幾勁。　薯角就夠熱夠脆，岩哂傾計慢慢食，食完超飽。價錢偏貴，不過坐到好耐，環境優美，都值得黎試下既。