爆汗串串 (Closed)

同友人睇完模型佢建議話食串串香，所以我哋就嚟到呢間位於廣華街嘅爆汗串串。餐廳門面及裝修都以鮮黃色作主調，感覺輕快明亮。叫得爆汗串串，入到嚟當然要食下呢度嘅串串香啦，成都串串香 ($78/15串) - 素菜及葷肉共30多款可以揀，我哋揀咗：牛肉、魷魚、白蘿蔔、鴨舌及雞胗。牛肉爽嫩、魷魚爽脆、白蘿蔔軟腍、鴨舌及雞胗爽口彈牙，各種食材都好入味，啖啖香、麻、辣，越食越滋味。湯麵類亦都有麻辣湯底，或者豬骨湯底可以揀，爆汗肥腸麵 ($38) - 肥腸炆得夠軟腍，麵條幼身滑溜，配上有麻又辣嘅湯底，既香口又惹味。宜賓鹹燒白麵 ($38) - 五花肉滷得夠入味，五花肉裏邊係香甜嘅梅菜，再配上香辣嘅麻辣湯底，豐富又好食。成都老冰粉 ($15) - 口感滑溜，清甜解辣有氣咸柑桔 ($15) - 味道鹹鹹酸酸，解渴好飲。