百份百餐廳 (交通廣場) (Closed)

今天胃口不佳，又想試一些醒神的下午茶餐，終於點個辣辣地之星洲炒貴刁茶餐，餐廳已標明是輕量版，最啱細食的我。這碟貴刁配料不太豐富，得兩隻蝦仔咁多，瘦肉及火腿絲亦寥寥可數，都有少少失望，但是如果可以加多些銀芽的話，相信會更爽口。最後我仍要讚賞廚師的功力，因為他/她能把普通的貴刁調味到咁好食，炒時火氣亦足夠，啖啖都有唇、齒、脷、喉都有留香之感，多謝、多謝、多謝您的用心製作。至於份量，話明輕重級數，如果唔係太大食的話，份量算是足夠及低食，是不錯的下午茶之選。