Burger's Friend Forever (嘉峯匯) (Under Renovation)

去完mega box 就去埋近近地既啟德行下，果邊除左一大堆地產之外，仲有幾多野食下。聚集唔多個國家既菜式，最後揀左間工業風既burger店。入面有一個人既位置，果位都幾特別，感覺好美式街頭feel，整體黎講都幾舒服！ ⦁至尊漢堡 $112果burger好多層，有煎蛋、兩份厚厚的漢堡、仲有洋蔥番茄等，最欣賞係果麵包部分烘到勁脆，仲有果漢堡勁多肉汁，對得起果價錢！轉套餐都係加$25，就多左個小食同罐裝汽水。小食有香脆有皮薯條/薯格/田園沙律可以揀，我都係鍾意食薯條🍟，份量多，炸得好香脆，食落果味有D似shake shake粉既BBQ味！最重要既一點係放耐左仲脆！👍🏻 ⦁香草雞扒意粉 $76香草味好濃，意粉口感偏硬身，口感滿滿。而雞扒都幾大塊，都幾入味。 ⦁自家製炸手指魚條 $38自家制就真係唔同出面冰凍魚手指，尼款系炸粉包裹住魚肉再去炸，炸粉超薄，整體唔油又香口，口感鬆軟。 另外，餐廳仲有提供生酮餐牌，有興趣都可以試下！