金燕餐廳 (Closed)

為考試而黎到啟對村，時間尚早，去食個下午茶先，兜左兩三個圈，似乎得呢間茶餐廳。雖然門口效暗，睇落有返咁上下歷史，入去博一博啦。入面好大，枱凳都好舊，無人帶位咁就揀左張卡坐坐。厚多士加杯野飲都係十八蚊，幾平喎。叫左一份下午茶加湯麵，另一份多士餐。加六蚊就有沙嗲牛肉公仔麵，麵身較淋，我估係一般茶記用嘅大光麵，沙嗲汁過傑，搞到啲牛肉gel埋一堆味ok嘅。黑椒汁牛扒炸薯條，牛扒幾大塊，有牛味，少少韌，但汁太多，個汁又鹹，失色哂。炸薯條係曲曲薯條，好熱好脆，薯條正。奶醬多，好多醬，包有啲過氣，淋了。熱檸茶，好香檸味。凍檸茶，凍飲加二，好大杯。環境舊啲，無伙計，但坐好耐都無人趕，ok啦。