臨記車仔麵 (Closed)

今日近近地到啟田食午餐，一段日子沒有來，原開左間很大的車仔麵店，12：00已經見人龍， 反正沒有什麼心水，就試下新野吧！車仔餸都有很多選擇，而且有很多必食推介。除此之外，有新野喎，脆卜卜油炸鬼系列，有雞翼和豬扒，見到poster都覺得很脆卜卜，當然要叫來試下吧！如果不想吃車仔麵，有滷肉飯及撈米線，都有幾多選擇。點餸紙設計都很精美，有埋相俾顧客睇，車仔餸由$7起，款式很多。湯底還有四款，除傳統湯底外，有麻辣湯，鮮茄湯和咖喱湯底，都幾特別呢！我的四餸車仔麵，d餸份量很多，多到舖滿曬。牛筋又淋又入味，大大件。鮮腐竹厚厚的，很有口感，份量又是極多，還有陳皮魚蛋，彈牙之餘又有陣陣的陳皮香味，好味呢！除此之外，也點了幾份小食一起吃。魚皮脆卜卜，啱曬喜歡香口食物的小女生；酸甜齋酸酸的，很開胃；豬爽肉給了我們意外的驚喜，惹味又淋又香口，真心推介。那個油炸鬼豬扒果然是水準之作，即叫即炸，炸得剛好，香脆金黃，而且多汁又稔滑，正！隔離枱位阿姨不斷說咖喱湯好正，攪到我都很想試，總括而言，平、靚、正！有機會一定會再來光顧！