Street Meat (Closed)

舊同學由外國返香港放暑期，梗係要帶佢出去玩下，今晚我地就嚟左蘭桂芳一帶閒逛同搵左個地方飲野傾計，不過齋飲好悶既，所以都叫左幾款小食，橫掂頭先餐晚飯唔係食得好heavy，而家又可以再食豪d當宵夜。先來一客龍蝦卷，淨係睇到d餡料多到爆晒出黎已經覺得好吸引，要慢慢食或分件食，如果唔係會食得好”呢hea”，不過龍蝦肉真係好正，原隻蟹鉗啖啖肉，蟹膏又豐富，$128算係大件夾抵食!兩個男仔都係無肉不歡類，所以再黎一客和牛三文治，用和牛黎做三文治餡料，認真揼本! 和牛好入味juicy，三文治烘成多士好香口。最後黎一個脆薯格，熱辣辣好香脆，佐酒無得頂!