PizzaExpress (奧海城三期)

Open Now

Now Closed

Pizza Express向來pizza都好出色，最近有新Menu，就係最平$178就已經有個高質嘅Pizza再加一杯1664啤酒。夏天食呢個餐特別透心涼！個套餐都算幾抵，而家我哋叫咗個軟心芝士薄餅， 外脆內軟，蕃茄好香口，上面嘅芝士呈半流心嘅狀態，好香奶味同埋芝士味，非常開胃，加埋啲橄欖上去又有另一番嘅風味！杯500mL嘅1664啤酒簡直大滿足，非常chill嘅感覺！我哋仲叫咗沙甸魚配埋香草薄餅，沙甸魚熱辣辣，好肥美多汁，鹹味啱啱好，同香草薄餅一齊食特別滋味。呢度甜品嘅選擇都幾多，我哋叫咗個焗麵包球配朱古力榛子醬。麵包球熱辣辣，帶有少少嘅脆口，朱古力榛子醬好香濃，份量好多。另外一個甜品就係朱古力心太軟，一切非常之流心，士多啤梨汁都唔錯，上面雲呢拿雪糕都好好味，同朱古力非常之夾。呢間連鎖店唔可以話無論係食意粉，pizza定係甜品都好抵食，我都見到有好多唔同種類嘅飲品，下次一定會再嚟試吓。