Video
Read full review
2017-07-16
575 views
今日 daddy 帶咗我哋一家人嚟食呢一間潮福蒸氣石鍋，蒸海鮮都興咗好幾年，印像中呢間係我第四次嘅蒸氣石鍋，睇吓有乜好嘢食先。餐廳嘅格局同酒樓差唔多，有啲位置會比較靠近冷氣出風口，怕凍又或者怕熱嘅朋友可以研究下自己個定位應該喺邊度，基本上每一枱都有啲位比較熱時又有啲位係比較凍嘅。我哋揀選咗任食套餐，只係338蚊一位，已經有右手邊嘅丸類四款，菜類六款，兩款雞兩款牛一款豬，釀花菇豆卜 葱花卷，馬拉糕荷葉飯等等任食，而配給嘅部分就有每人一盅燉湯，半隻龍蝦，半隻乳鴿，北韓鮮鮑魚，美國桶蠔，蘇格蘭蟶子皇，生劏龍躉件同埋青口各一隻，仲有好幾隻花甲同埋鮮蜆添，真係食呢個配給嘅份量都幾乎飽哂咁滯。撇除以上海量嘅各式新鮮生猛海鮮之外，最啜核嘅係呢度連朝日啤酒都係任飲架，需知道呢隻牌子嘅啤酒喺出面超級市場都賣好貴加嘛，真係淨係飲啤酒都回到一半本啊。滋潤燉湯每位一款，揀咗姬松茸燉螺肉，嘩，真係勁足料啊。必食粥底二選一，瑤柱鮮淮山粥。脆皮乳鴿每位半隻，乳鴿嘅外皮被炸得極度香脆，味道完全入哂啲鴿肉裏面，用嚟送啤酒一流。生猛龍蝦每位半隻，呢度嘅龍蝦新鮮彈牙，肉味鮮甜，完全唔需要點半滴多餘嘅豉油，淨係食龍蝦嘅鮮味經
今日 daddy 帶咗我哋一家人嚟食呢一間潮福蒸氣石鍋，蒸海鮮都興咗好幾年，印像中呢間係我第四次嘅蒸氣石鍋，睇吓有乜好嘢食先。
餐廳嘅格局同酒樓差唔多，有啲位置會比較靠近冷氣出風口，怕凍又或者怕熱嘅朋友可以研究下自己個定位應該喺邊度，基本上每一枱都有啲位比較熱時又有啲位係比較凍嘅。
我哋揀選咗任食套餐，只係338蚊一位，已經有右手邊嘅丸類四款，菜類六款，兩款雞兩款牛一款豬，釀花菇豆卜 葱花卷，馬拉糕荷葉飯等等任食，而配給嘅部分就有每人一盅燉湯，半隻龍蝦，半隻乳鴿，北韓鮮鮑魚，美國桶蠔，蘇格蘭蟶子皇，生劏龍躉件同埋青口各一隻，仲有好幾隻花甲同埋鮮蜆添，真係食呢個配給嘅份量都幾乎飽哂咁滯。
撇除以上海量嘅各式新鮮生猛海鮮之外，最啜核嘅係呢度連朝日啤酒都係任飲架，需知道呢隻牌子嘅啤酒喺出面超級市場都賣好貴加嘛，真係淨係飲啤酒都回到一半本啊。
滋潤燉湯每位一款，揀咗姬松茸燉螺肉，嘩，真係勁足料啊。
必食粥底二選一，瑤柱鮮淮山粥。
脆皮乳鴿每位半隻，乳鴿嘅外皮被炸得極度香脆，味道完全入哂啲鴿肉裏面，用嚟送啤酒一流。
生猛龍蝦每位半隻，呢度嘅龍蝦新鮮彈牙，肉味鮮甜，完全唔需要點半滴多餘嘅豉油，淨係食龍蝦嘅鮮味經已係大滿足。
北韓鮮鮑魚，餐廳選料上乘唔在講，特別鐘意佢面頭加嘅蟲草花，滋補嘅蟲草花功效多多，例如補肝腎補血氣，仲可以治療陽痿以及有壯陽嘅功效添，我即刻夾哂面頭啲蟲草花俾我老公，等佢食完啪啪聲。
生劏龍躉件，侍應先生將龍躉嘅火喉掌握得啱啱好，啲龍躉肉啱啱好熟，唔會太韌之餘又充滿鮮味，海魚嗰啲骨膠原真係唔講得笑，攪到我搶埋我老公嗰塊骨膠原嚟食。
自製鮮牛丸，餐廳有好幾款自家製嘅手打丸類，分別有梅菜豬肉丸，鮮蝦丸，鮮牛丸同埋鯪魚球，由於係自家製嘅關係，啲丸份外彈牙，尤其是係呢隻自製鮮牛丸，彈牙得呢仲有好強嘅牛味，唔錯。
食到尾聲先發現仲有個荷葉飯未試喎，諗住叫埋嗰陣屋企人猛咁話咁飽仲食唔食得落架，咁就唯有叫住一個大家share 先囉，點知嚟到發現個荷葉飯只係得一隻手指咁長，認真詼諧，咁就算食到尾聲都仲可以食得落啦，我哋仲即刻追加多幾個，一人一件添。
臨走見到名嘴蘇絲黃嘅一篇食評，我見佢話散嗌四個人都食咗2182蚊，今日我哋六個人任食先係2332蚊，任食完勝。
Post
