海街丼 (東港城)

Open Now

Now Closed

宜家叫特上吞拿魚蓉丼會加送一隻牡丹蝦，為咗貪圖呢一隻蝦，所以我叫左$160特上吞拿魚蓉丼再追加左$28和風薯仔沙律、+$5 Coke Zero 。特上吞拿魚蓉丼 - 前菜係日式凍辣蕃茄，微辣，好食，不過唔知點解覺得有啲韓feel。主食旁邊有一碟透明啫喱，原來係醋既啫喱，用嚟伴飯一齊食，估唔到咁正，正過落豉油，所以我成碗飯都冇落豉油（不過隻蝦有點豉油😅）所有食材都好新鮮，冇一啲怪味（你知啦海膽好興有浸味，不過今次食就冇事）就算連送嗰隻牡丹蝦都係好新鮮，不過就唔係好大隻，但係都OK。和風薯仔沙律 - 呢個就有少少複雜，唔係好識形容，佢唔係唔好食，但係我稍為嫌佢嘅質地稀咗啲（係咪好奇怪呢？沙律會稀？）冇乜口感，如果講話係薯仔沙律可能用薯蓉沙律會容易啲明白。