天糖鳥 (Closed)

同二家姐在大角咀食完飯，又係甜品時間，去貴X去到悶了，問家姐有冇新嘢試，她說知道利得街有間新的甜品店，看看門外餐牌，有中式糊類糖水，也有帶西式水果類的，好似幾健康咁噃!!又試試先。/本來想試合桃糊，但看到呢個桂花蜜鮮淮山(感覺幾健康，反正未試過，就叫小的來試試，有打爛了的鮮淮山，有桂花，加埋桂花蜜，很清香，幾特別，share來吃是ok的，但、淮山較稠，一個人吃可能會幾漏)。/ 黑糖薑茶蕃薯糖水配湯丸(蕃薯很甜，薑湯係勁薑味的，正!!仲有兩粒大湯圓)。/公司時果西米撈涼粉(用鮮果做，糖水底較輕甜，啱曬想食甜品又怕甜到漏既人)。/見到打卡有嘢送，三個齊齊打卡，送了五粒糖不甩(其實已經很飽，但唔想浪費人家心意，唯有照食，味道OK既)、仲送了兩小杯薑蜜(勁薑味，好好飲)，也送了一小杯檸蜜(味道偏淡)/ 總結：食物，味道，服務，價錢都唔錯，甜品偏向輕甜。(後話：見到Menu仲有四款養生飯餐($48至$58)，仲有長者卡優惠(我仲有排未攞得😂)，此店食品真係幾啱愛健康既人士及長者的，有機會嚟開呢頭，都想試吓他們的飯餐🤤。