新蒸武門 (Closed)

屋企人比較鍾意食中菜，所以今日揀咗呢間餐廳嚟慶祝生日。一坐低已經有一杯好靚嘅茶飲，入邊有好多料，媽咪都讚餐廳杯茶有誠意。我哋叫咗四人餐：有飯有湯再加一個小食、四個餸。個湯好正喎，有花膠雞件，清甜滋潤，啱晒一家大細飲。小食我哋叫咗個炸春卷，炸到脆卜卜又唔會好油，食落好滋味。然後叫咗個汁燒牛柳粒同埋兩個菜，水準都唔錯。特別要讚嘅係佢個蒜蓉蒸扇貝，精讀啱啱好啲蒜蓉勁香口，扇貝又彈牙，用嚟送飯唔覺意就食咗半碗飯，哈哈！